Umdlali weOrlando Pirates nodlala esiswini uGoodman Mosele noyinzalelwane yaseStillfontain ebesoloko ebuzwa ngabalandeli ukuba wayaphi. Impendulo kumbuzo wabalandeli bebhakabhaka uphendulekile kuba xa kungoku nje uMosele ubuyele kwezimnyama ngenkani evela kwiqela laseMpuma Kapa nelizinze eGqeberha evela kwimbolekiso.
Lo mdlali noneminyaka engamashumi amabini anesine(24) ubudala udlale imidlalo engamashumi amabini anesihlanu(25) kwiqela leChippa phambi kokuba iiSea Robbers zigqibe kwelokuba abuyele ekhaya eSoweto. Lomdlali udlale kakuhle kakhulu kwiiChilli Boys yiyo lonto iqela lakhe limbuyisele.
IPirates izimisele ukuqokelela kwanto kulesizini bekwafuna nempumelelo eAfrika. UDeon Hoto ongumdlali wangasemva kwibhakajuju noyinzalelwane yaseNamibia uthi iqela lakhe lifuna kakhulu ukuphumelela indebe iBetway Premiership neCaf Champions ligi kule isizini. UDeon Hoto oneminyaka engamashumi amathathu anesithathu(33) ubudala kunjalo nje udlale kakuhle kakhulu kwisizini esiphuma kuyo.
UDeon uvakele ezithembe kakhulu ngethuba esithi abanangxaki ngeendebe ezimbini(2) abazikhuselayo kulesizini iMTN8 neNedbank, uvakalise ukuba kuzakubalula ukuzikhusela, watsho esithi zimbini(2) kuphela iindebe bona abajongene nazo befuna ngamehlo abomvu ukuziphumelela yiligi yoMzantsi neCaf Champions ligi.
UMosele ubonwe ezilolonga nabanye abadlali abathathu(3) beliqela abafumana ukonzakala, abo nguPaseka Maku, uBandile Shandu noTapelo Xoki.
UHoto ukholelwa ukuba amava kwakunye nexesha alihleliyo eMzantsi uJose Riveiro izakunceda ukuba bacele umngeni kwiqela leMamelodi Sundowns, uHoto nonxiba ijezi elinani lesixhenxe(7) uvakalise ukuba abafuni kuphumelela iligi kuba befuna ukubonisa kungenjalo ukuvuyisa umqeqeshi ntonje badlalela abalandeli kwakunye nosihlalo weliqela uDr Irvin Khoza.
By Siphiwo Boqwana