Owayesaku dlalela iBafana Bafana namaqela aseNgilane uDikgacoi kulindeleke ukuba atyikitye neArrows njengomqeqeshi.
Indaba ezothusayo zezokuba owayesa kudlalela iqela leSizwe lebhola ekhatywayo loMzantsi Afrika iBafana Bafana uKagisho Dikgacio uliqhawulile iqhina lengqesho neqela ebesanda kuzibandakanya nalo iPhezulu laseMpumalanga kwiABC Motsepe ligi. Kukho iingxelo zokuba angabuyela kwiqela iGolden Arrows.
Ukhumbule ukuba uKagisho besisando kwenza inqaku lakhe etyikitywe leliqela alishiyayo ngoku.
UKagisho ulishiya eliqela emva kweentsuku ezine (4) kuphela ezibandakanye nePhezulu FC yaseMpumalanga kwiABC Motsepe ligi. Isizathu sokulahla kwakhe kweliqela kokuba ezakubuyela kwiGolden Arrows.
Ngokwengxelo kuvakala ukuba uDikgacio nowayesaku dlalela amaqela amabini (2) angamanye woompondo zihlanjiwe kwiEnglish Premier ligi iFullham neCrystal Palace ebekwiqela iMangaung United phambi kokuzibandakanya nePhezulu nathe watyikitya nayo ngomhla wamashumi amabini anesithandathu (26) kwakulenyanga yeThupha ngomvulo ezintsukwini kwakuleveki sikuyo.
Lomfana uneminyaka engamashumi amathathu anethoba ubudala (39) ulincedile iqela iMangaung United walisa kwiiplayoffs zikazwelonke nebeziseNorthern Cape eUpington ngenyanga yeKhala kulonyaka, nangona kunjalo bafe namthanyana kuba abakwazanga ukugqithela kwiMotsepe Foundation ligi.
Lomqeqeshi uyokuncedisa umqeqeshi waBafana beSithende njengabaqeqeshi beliqela bebambisene.
IArrows iphulukene nomqeqeshi kwiSundowns uSteve Kompela kwashiyeka uMabhuti Khanyeza njengomqeqeshi ngoku bafuna ancediswe nguKagisho Dikgacio.
By Siphiwo Boqwana