Ayaphokoka amazwi ovelwano kusapho oluthe lwashiywa ngobelilungu lomaspala waseMbashe
Abasebenzi kuMaspala waseMbhashe kweliphondo leMpuma Koloni bathi baxhelekile emphefumlweni emva kokushiyiwa emhlabeni lelinye lamalungu ebelikhokhele iOfisi kanondyebo kulomaspala uMnumzana uNtabethemba Nokwe nobhubhe emva kwengozi yemoto eyehle ngecawa umhla 30 April 2023.
uSodolophu walomaspala uClr Samnkelo Janda uthumele amazwi entuthuzelo kwizihlobo nezalamani zikaNokwe ze wamtyibela ngelithi ubegqwesile kakhulu ekuwenzeni umsebenzi wakhe kuleOfisi yezimali kwaye ubezinikele emsebenzini wakhe ewenza ngentliziyo yakhe yonke, uthi ubeqinisekisa uba lomaspala awukho sezinkathazweni zemali.
uManejala walomaspala uMkhululi Nako uthi bengumaspala basezintlungwini ngokubhubha kukaNokwe kwaye imisebenzi yakhe emihle ayisoze yalibaleka, Ukanti uthi lokaNokwe udlale indima enkulu ekuqinisekiseni uba lomaspala uyaphuma kwingxuba-kaxaka yezimali ubuyela kwisimo esihle.
