Sivelaphi isibindi sokubulala iPolisa enkundleni yomthetho?
UMkomishinala weNkonzo yesiPolisa oMzantsi Afrika (SAPS), uNjengele Fannie Masemola, uyincomile impendulo ekhawulezileyo yecandelo elijongene nemigulukudu eMpuma Koloni ngokubamba indoda eyadubula yabulala uSajini oneminyaka engamashumi amane anesibini ubudala obesebenza kwinkundla yamatyala. ngocwangco kwinkundla kamantyi yaseMotherwell eGqeberha ngale ntsasa.
Kananjalo, uNjengele Masemola uyalele ukuba kudityaniswe izixhobo zokusebenza ukuze kubanjwe abo batyholwa ngokubhubha kukaSajini onamashumi amane ananye (41) ophantsi kwecandelo lamaPolisa aPhakamileyo (POP) eMonti.
Ngokophando lokuqala lwamapolisa, umrhanelwa ungene kwisakhiwo seNkundla yaseMotherwell malunga nentsimbi yamashumi amabini anethoba wakhomba ilungu, walidubula walibulala ngompu karhulumente emva koko wabaleka ngeenyawo.
Amalungu eqela elijongene nemigulukudu ebegade ajikeleza kule ndawo aphendule kwangoko aziswa ngunoteksi ukuba umrhanelwa ophethe umpu ukule teksi. Umrhanelwa wadubula ngoko nangoko ebhekise emapoliseni kwaye amalungu aphinda adubula. Umrhanelwa ufumene amanxeba okudutyulwa waze wasiwa esibhedlele phantsi kweliso lamapolisa.
Amapolisa nawo afumana imipu karhulumente yamalungu.
Abakhweli abaliqela ababekhwele eteksini ngelo xesha khange bonzakale ngexesha lokudubula kwemoto.
Ngexesha lokusweleka kwakhe, ilungu laline iminyaka elishumi elinesithandathu (16).
EMonti, lusaqhubeka ugqogqo lokukhangela igqiza labarhanelwa abadubule babulala uSajini xeshikweni esabela kwisigebenga esixhobileyo
UNjengele Masemola egameni labaphathi be-SAPS uzigxekile zozibini ezi ziganeko kwaye uthi amapolisa ayaqhubeka nokuhlanganisa izixhobo zokulwa ulwaphulo-mthetho olunobuzaza nobundlobongela.
“Asinakuba nemeko apho amalungu abulawa enkundleni yomthetho naxa asabele kubizo lomsebenzi. Uvelwano lwethu kwiintsapho, izihlobo kunye noogxa bethu bamaqhawe ethu asweleyo. I-SAPS iyaqhubeka nokubeka phambili ukufunyanwa kwezibonelelo ezongezelelweyo kunye nezixhobo zokwandisa ukuphendula kwamapolisa ukulwa ulwaphulo-mthetho olunobundlobongela, “utshilo uNjengele Fannie Masemola.
Zombini izazisi zamalungu ziye zabanjwa de izalamane zabo zazisiwe.
Kumalungu omabini, iflegi ye-SAPS ayibhabha ngenxa yokuba ivuthuzwa ngumoya: ibhabha ngokuphefumla kwawo onke amalungu awileyo eyikhusela. Yanga imiphefumlo yenu ingaphumla ngoxolo.
Imibuzo yemidiya; UBrigadier Athlenda Mathe 0820408808