By Esona Magawana.
Ngomhla wamashumi amabini anesibhozo (28) kweyeKhala 2025, uMasipala wasekuhlaleni iWinnie Madikizela-Mandela ubambe iphulo elijolise ekufundiseni uluntu ngeenkonzo zikarhulumente kwilali yakwaJali, kwaWadi 06.
Injongo yale nkqubo ibikusondeza iinkonzo zikarhulumente ebantwini nokubonelela ngolwazi olubalulekileyo malunga nendlela asebenza ngayo. Iphulo liqhutywe phantsi kobukho bamasebe ohlukeneyo karhulumente aquka iKhomishini ezimeleyo yoNyulo (IEC), iThuthuzela Care Centre, uPhuhliso lweNtlalo (Social Development), iSASSA, iWomen Caucus, kunye noMasipala wasekuHlaleni.
Isebe ngalinye lenze intetho ecacisa umsebenzi walo, iinkonzo ezinikezelwayo, kunye nendlela uluntu olungaxhamla ngayo kwezo nkonzo. Uluntu lwavunyelwa ukuba lubuze imibuzo kwaye lwafumana iimpendulo ezicacileyo nolwazi.
Ngapha koko, amaqumrhu abucala nemibutho ezimeleyo abe nendima ebalulekileyo kulo msitho, apho bathethe ngemingeni ebalulekileyo efana nodlwengulo, ukuxhatshazwa kwabantu nabantwana, ukuhlaziywa kwezibonelelo, kunye nokuHlukunyezwa ngokweSini. UMnu. Twabu ovela kwiSebe leIEC ukhuthaze abahlali ukuba basebenzise ilungelo labo lokuvota njengabemi boMzantsi Afrika, wakhuthaza nabazali ukuba bakhuthaze abantwana babo ukuba babhalisele ukuvota.
Ohloniphekileyo uCeba Giyama wavala ngentetho enombulelo, eqaqambisa ifuthe elihle lenkqubo eluntwini kunye nokuqinisekisa ukuba uMasipala uzakuhlala uzibophelele ekusondezeni iinkonzo ebantwini.