UMphathiswa wamaPolisa uSenzo Mchunu ezakukhatshwa ngabameli bomkhosi wokhuselo loMzantsi Afrika (SANDF) kulindeleke ukuba batyelele ummandla waseStilfontein eMntla Ntshona namhlanje.
Oku kuza emva kokuba abahlali abamalunga namashumi amahlanu (50) bathabathe uxanduva lokuhlangula amakhulu abasebenzi-mgodini abangekho semthethweni abasephantsi komhlaba.
Olu tyelelo luza nanjengoko abahlali bale ndawo bevakalise inkxalabo yokuba indlela abarhanelwa abaphathwa ngayo abasebenzi-mgodini abangekhomthethweni inyhasha amalungelo abo.
Nangona kunjalo, iSithethi samaPolisa kuzwelonke, uBrigadiya uAthlenda Mathe uthe amapolisa awazukuqhathwa njengoko esi sisenzo solwaphulo-mthetho.
UMathe uthi amapolisa namajoni awazukuhamba ukuya kukhupha abo basebenzi basemgodini . Uthe, abazokuvumela amadoda nabafazi kunye namajoni ukuba behle baye kuhlangula aba bophili mthetho kuba kuyingozi. Ukwathe baye babonisana nabanini mgodini, ne-DMRE kwaye baxelelwa ukuba akukhuselekanga, bubudenge ukuvumela abantu behle baye phaya ezantsi emgodini.