Iqela lezopolitiko I-African Transformation Movement (ATM) ivakalisa inkxalabo enzulu nodano malunga nesiganeko esibuhlungu sokusweleka ngequbuliso kwabantwana ababini(2) ngenxa yokutya okutyholwa ukuba kuphelelwe lixesha. Okukutya kwenkile yasekuhlaleni nephethwe ngabantu bamazwe abangaphandle abangenamaxwebhu asemthethweni okuhlala kwelilizwe.
Ngokwengxelo yenkonzo yesipolisa eRawutini, ngamabantwana ababini kwabahlanu(5) ababhubhileyo emva kokuba betye iibhiskithi ze basela ijusi ze emva koko bakhalaza ngokutshisa komqala. Baye ke babalekiwelwa esibhedlele ukuze bafumane unyango, ngelishwa ababini babhubha logama ababini besesibhedlele omnye esachacha ekhayeni.
“Unobangela wokufa awukaziwa okwangoku, kulindelwe iziphumo zokuhlolwa kwesidumbu,” utshilo isithethi samapolisa aseRhawutini uColonel Dimakatso Nevhuhulwi.
IATM ithi esi siganeko sibuhlungu sigxininisa imfuneko engxamisekileyo yokhuseleko lokutya olungqongqo, imithetho kunye nokuhlolwa okungqongqo kwazo zonke izinto zokutya ezithengiselwa abantu beli ingakumbi ezilokishini apho iimeko ezinje ziye zixhaphake kakhulu.
Lombutho uthi ngumsebenzi karhulumente ukuqinisekisa ukhuseleko lwabemi bakhe.
I-ATM iphinda ikhuthaze imithetho engqongqo yecandelo, kubandakanywa nemilinganiselo yokuthintela abemi bamazwe angaphandle abangenamaphepha ukuba baqhube ushishino eMzantsi
Afrika. Ukanti I-ATM ithi iyaqonda ukuba ngumngeni okhoyo ngoku wezoqoqosho
kwiimeko eziqhubayo uziye ngamanye amaxesha zinyanzele uninzi lwabantu abahluphekayo ukuba bathenge ukutya kwemveliso zomgangatho ongaqinisi mnqwazi.
Ngoko ke, lombutho uthi unqwenela ukukhumbuza uMzantsi
Afrika ukuba bavotele urhulumente ngo-2024-ongayi kuvumela ubomi babantu bubesesichengeni. Usithi uxanduva lokuqinisekisa ukuba abantu abahluphekayo nababuthathaka abadli ukutya okuyinkohliso
ukutya okunetyhefu kufanele kube yinto ephambili kuye nawuphi na urhulumente ogxile ebantwini.