Iindawo ezinkulu zomasipala ombaxa iNelson Mandela Bay zisaqhubeka nokungabi namanzi kulandela ukugqabhuka kwemibhobho eliqela ngempelaveki
Nangona unikezelo lwamanzi lubuyile kwezinye iindawo ezikwiNtshona yesixeko, umasipala ombaxa ngoku usebenzela ukubuyisela inkqubo yeNooitgedacht-scheme.
UMlawuli oPhezulu kaMasipala waseNelson Mandela Bay kwicandelo laManzi noGutyulo, uBarry Martin uthe ulondolozo lwenziwa ngexesha elicothayo nelandisiweyo ukunqanda ukugqabhuka okwesibini.
“Eyona nto iphambili kukubuyisela i-Nooitgedacht ukuzisa i-200 Megalitres epheleleyo ngosuku kwi-system.” Utshilo Martin
“Kukho malunga ne-75km yemibhobho emikhulu engenanto. Oku kufuneka kuqala kugcwaliswe phambi kokuba uxinzelelo lungene kwinkqubo yokuhambisa.”
UMartin wongeze ngelithi unikezelo lwamanzi kufuneka lubuyiselwe ngoLwesine waleveki.
Ingxelo:Zimbini Mdolomba