Umnikazi wethaveni oneminyaka engamashumi amathandathu anesibini (62) waseGqeberha, obekwe ityala lokubulala kabini utata waseWindvogel kunye nonyana wakhe, uzakuphehlelela ngokusesikweni isicelo sebheyile ngoLwesihlanu.
UNorma Jacobs ubekwe ityala lokubulala kunye nokuxhwila u-Edwin de Vos oneminyaka engama-45 ubudala kunye nonyana wakhe oneminyaka eli-19 ubudala, uLeonardo.
Uvele ngokufutshane kwinkundla kamantyi yaseGqeberha ngoLwesibini.
Aye arhoxiswa amatyala awowayetyholwa naye uThebisihle Selani.
Okwangoku, akukafakwa shicilelo ukuba uSelani uya kusetyenziswa njengengqina leCandelo 204 (ingqina likarhulumente).
UJacobs kulindeleke ukuba aphehlelele isicelo sakhe sebheyile ngoLwesihlanu, emva kokuyishiya ngaphambili ibheyile, ngenxa yokoyikela ukhuseleko lwakhe.
Ngexesha lokubanjwa kwakhe, uthi wayefumene izoyikiso ezininzi kuluntu.
Uyise nonyana babengabakhandi beemoto bobabini.
Kutyholwa ukuba benze umsebenzi wokulungisa isithuthi somtyholwa, phambi kokubhubha kwabo kweyeThupha kunyaka ophelileyo.
Le ndoda kunye nonyana wayo bagqityelwe ukubonwa bephila ngethuba beshiya ikhaya labo eWindvogel noJacobs, kutyholwa ukuba babesiya kuhlola isithuthi sakhe.
Imizimba yabo yafunyanwa ecaleni kwendlela yegrabile kufuphi neAddo kwiintsuku ezimbalwa emva koko.
Bobabini babenamanxeba okudutyulwa.