17.2 C
King William's Town
Friday, April 5, 2024

UMongameli ubhengeza unyulo jikelele luka-2024

UMongameli uCyril Ramaphosa ngokungqinelana necandelo lama-49(2) loMgaqo-siseko yoMzantsi Afrika, elifundwa kunye necandelo le-17 loMthetho woNyulo wowe-1998, umisele umhla wama-29 kuMeyi 2024, njengomhla wonyulo Jikelele lweSizwe nolwePhondo ka 2024.

UMongameli ukwahambelana necandelo 17(2) loMthetho woNyulo wama-73 ka-1998, ubonisane neKomishoni yoNyulo eziMeleyo (IEC) ngomhla wonyulo. Ngaphezu koko, uMongameli uye wabiza intlanganiso nazo zonke iiNkulumbuso zamaPhondo oli-9 kunye ne-IEC ukuze kuxoxwe ngobume bokulungela unyulo Jikelele.

Unyulo lalonyaka lungqamana nemibhiyozo yoMzantsi Afrika yeminyaka engama-30 yenkululeko nolawulo lwentando yesininzi. uMongameli Ramaphosa ukwahlabe ikhwelo kubo bonke abavoti abafanelekileyo ukuba bathathe inxaxheba ngokupheleleyo kwesi siganeko. Esithi sibalulekile kwaye siyimbali sekhalenda yenkululeko.

“Ngaphaya kokuzalisekisa isibophelelo sethu somgaqo-siseko, olu lonyulo luzayo lukwangumbhiyozo wohambo lwethu lwenkululeko kunye nokuzimisela kwekamva esikunqwenelayo sonke. Ndihlaba ikhwelo kubo bonke abemi boMzantsi Afrika ukuba basebenzise ilungelo labo lokuvota kunye nabo baza kube bekhankasela ukuvota ngoxolo, bethobela umthetho ngokupheleleyo. Sikwabongoza nabavoti abangabhaliswanga ukuba basebenzise iqonga lokubhalisa kwi-intanethi ukuze babhalise,” utshilo uMongameli Ramaphosa.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
light rain
17.2 ° C
17.2 °
17.2 °
88 %
3.2kmh
100 %
Fri
17 °
Sat
13 °
Sun
16 °
Mon
20 °
Tue
24 °

EZITHANDWAYO INDABA

Enable Notifications OK No thanks