UMotshekga uthi akukho nyani kumabango athi urhulumente ukhusela iimfuno zakhe e-DRC njengoko bekucetyisiwe yi-Economic Freedom Fighters (EFF) ngethuba bebuzwa imibuzo.
UMphathiswa wezoKhuselo uAngie Motshekga uwakhabile amabango emibutho yezopolitiko athi amajoni oMzantsi Afrika abandakanyeka kwiinzame zemfazwe kwiMpuma yeDemocratic Republic of Congo (DRC).
Umi kuluvo lukarhulumente lokuba imikhosi iyinxalenye yemizamo yamazwe amaninzi yokugcina uxolo ekuvunyelwene ngalo kwintlanganiso yoMbutho woPhuhliso lwaMazwe aseMazantsi e-Afrika (i-SADC) eNamibia ngo-2023.
UMotshekga uthi akukho nyani kumabango athi urhulumente ukhusela iimfuno zakhe e-DRC njengoko bekucetyisiwe yi-Economic Freedom Fighters (EFF) ngethuba bebuzwa imibuzo.
Ebulela amagqabaza awenzileyo malunga nokunqongophala kwezixhobo zoMkhosi woMzantsi Afrika, uMotshekga uthi oku ebengabhekiseli ngqo kumajoni ase-DRC.
Uthi eli iphulo apho lixhaswa ngemali yiZizwe eziManyeneyo, iManyano ye-Afrika namanye amazwe eSADC. UMotshekga ukwathe ayizukwenza ngqiqo ukuba amanye amazwe avume iphulo lokukhusela iimfuno zoMzantsi Afrika.
“IZizwe eziManyeneyo zihlala kwaye zixhasa iphulo ekumele lixhasa uMzantsi Afrika. Ayinakuba yinyani. Ayinangqiqo. Ngoko ayinakuba yinyani.”
Uthi ukuthunyelwa eGoma kunezixhobo eziyimfuneko kwimishini yoxolo hayi imfazwe.
Ekugqibeleni uMotshekga uthi ukungavisisani okuthathe ixesha elide e-DRC akuzusonjululwa ngombhobho wompu- kodwa kuzakusonjululwa kwitafile yothethathethwano.