UMphathiswa wesebe lezemfundo ephondweni uFundile Gade ebambisene nekomiti yezikhalazo nothatho-nxaxheba loluntu kwisikolo samabanga aphakamileyo i-Toli kwingingqi iBombini phantsi koMasipala i-OR Tambo bebeyokusabela kuxwebhu lwezikhalazo olwalufakwe kwindlu yowiso mthetho luphakamisa umba wokwakha izikolo apho uluntu lungavumelaniyo malunga nesiza emakwakhiwe kuso isikolo kuMmandla.
Ukanti amalungu ebezimase lomsitho singabalula u-Ohloniphekileyo uMzonke Ndabeni nongusihlalo we-Patition and Public Participation , uLitha Zibula nolilungu lombutho we-Economic Freedom Fighters kwezemfundo kwakunye nohloniphekileyo uMluleki Dlelanga nolilungu lombutho we-ANC kwisebe lezemfundo nabahlali ngokubanzi.
Ikomiti kwingigqi ye-OR Tambo ongachazwanga ngagama uthi ukuba abasemagunyeni bafuna umhlaba kufuneka badibane nenkosi yendawo khonukuze bafumane umhlaba wokwakha isikolo emva kokungavisisani ngendawo yokwakha ukwandiswa kwamagumbi okufundela kwesisikolo.
Usihlalo we-PPP uMziwonke Ndebeni uthi ukubakho kwabo kukuzokuqinisekisa nokunika ingxelo kubahlali abangaxolanga ngendawo ebekuzakwandiswa kuyo esisikolo , nanjengoko bengafundi ukubavalela ngaphandle ngoluvo lwabo nangomhlaba okuzakwandiswa kuwo isikolo samabanga aphakamileyo iToli, kwaye kuye kwafikelelwa kwisigqibo esinye kwakunya nabahlali ngomhlaba ekuzakwakhiwa kuwo.
Ingxelo:Yolisa Khundulu