16.8 C
King William's Town
Thursday, April 4, 2024

Umtyholwa wemipu yasePolar Park ufake isicelo sebheyile

Elinye lamadoda asibhozo abanjwe ePolar Park eGqeberha, ngenxa yokuba nemipu engekho mthethweni, liphehlelele isicelo sakhe sebheyile kwinkundla kamantyi kwesi sixeko ngoMvulo.

Amapolisa axhobe ef’amacala apheleka abatyholwa abasixhenxe njengoko babezalisa izibuko.

Omnye wabatyholwa khange azimase ityala lenkundla nanjengoko ebegcinwe eluvalelweni de kube ngomhla wamashumi amabini anesibhozo kweyoKwindla komnye umcimbi.

NgoMvulo, u-Aviwe Solani oneminyaka engamashumi amabini anesithathu ubudala ufake isicelo sebheyile, ngelixa atyholwa kunye naye belahla isicelo sebheyile.

Baza kubuyela edokisini nge-28 kaMatshi kodwa baza kuvele enkundleni besuka kwiZiko loLuleko laseSt Albans.

Ngethuba kufakwe isicelo sebheyile, igqwetha likaSolani lafunda ingxelo kwirekhodi, lingqina ukuba umtyholwa wayeka isikolo esenza ibanga lesi-7 kwaye wayengumakhenikha ozisebenzelayo.

Inkundla yaxelelwa ukuba ngomhla wesiganeko ngomhla wamashumi amabini anesithoba kuJanuwari, uSolani wayeseBooysens Park elungisa umabonakude womhlobo wakhe.

Ngoxa wayelapho, weva isithonga sompu waza waphuma phandle ukuze abone ukuba kwenzeka ntoni. Ngokwengxelo yakhe, wabona amadoda amabini ebaleka esiya ngakumzi womhlobo wakhe, nawo agibisela izinto ebaleni.

USolani uthi ubaleke wangena endlwini ngethuba elandela amapolisa edubula la madoda ebebaleka. Ukwakhanyele ukuba akamazi omnye kwabatyholwa kunye naye kwaye waphika nezityholo abekwa zona.

Uphinde watyhola amapolisa ngokumbetha nokumbamba ngokungekho mthethweni.

Ngeli xesha, umphandi ophandayo, uZane Bosch, uthe kwingxelo yakhe efungelweyo efundwe kwirekhodi, ukuba bosibhozo abatyholwa bangabekwa kwindawo yexhwayelo kwaye impendulo yabo ekhawulezileyo ithintele ukukhuthuza kuxhotyiwe.

Amapolisa abambe abarhanelwa emva kokuba bethathe amanyathelo malunga neqela lamadoda ebebehlanganisene kwindlela yaseBloemendal ePolar Park apho bebepake iiveni ezibiweyo.

Amapolisa abambe i-AK47, imipu, iivesti zokuthintela iimbumbulu, iimaski zotyando, kunye neeglavu kwenye yeeveni ezibiwe zakwaNissan.

Ngokwengxelo kaBosch, uSolani angabekwa kwindawo yexhwayelo, nanjengoko wabonwa kunye noogxa bakhe ngamapolisa ebesenza umsebenzi wokuqwalasela phambi kokuba aqubude.

USolani kuzakufuneka alinde kude kube nguLwesihlanu ukuva ukuba uyayifumana na okanye hayi ibheyile.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
overcast clouds
16.8 ° C
16.8 °
16.8 °
77 %
1.9kmh
100 %
Thu
32 °
Fri
18 °
Sat
13 °
Sun
18 °
Mon
16 °

EZITHANDWAYO INDABA

Enable Notifications OK No thanks