By Buhle Nomgalasa.
UMongameli uCyril Ramaphosa kulindeleke ukuba achaze kwaye athethathethane nabo bachaphazeleka ngokuthe ngqo kuthotho lwezityholo ezenziwe nguMkomishinala wamaPolisa KwaZulu-Natal, uNhlanhla Mkhwanazi ngeCawe umhla wesithandathu (6) kweyeKhala 2025.
Ethetha noonondaba eThekwini, uMkhwanazi wenze izityholo ezininzi ngakumagosa aphezulu amapolisa aquka uMphathiswa wamaPolisa uSenzo Mchunu kunye noSekela Mkomishinala kuzwelonke uShadrack Sibiya.
Uthi babandakanyeka kumbutho olawulwa ngamashishini athengisa iziyobisi kunye noosomashishini abangene kulwaphulo-mthetho olulungelelanisiweyo elizweni. Ethetha kwiNgqungquthela yeBRICS eBrazil ngoMvulo, umhla wesixhenxe (07) kweyeKhala 2025, uRamaphosa uthe uzakuqubisana buqu ngalo mba xa ebuyela eMzantsi Afrika.
“Bendingayazi le nto, kwaye kuyacaca ukuba ngumba endiya kuwenza xa ndifika ekhaya. Kuza kufuneka ndiwujongisise ngakumbi kwaye ndenze ingxoxo ecokisekileyo neqela labantu kwaye emva koko kuya kubakho indlela ecacileyo eya phambili.”