Urhulumente wePhondo leMpuma Koloni uqhube inkqubo yokugonya ebizwa (iReturn to Play) nebikhokelwa nguSekela Mongameli uDavid Mabuza kunye neSebe lezobuGcisa neNkcubeko, iMidlalo noLonwabo kumabala emidlalo iNelson Mandela Bay eGqeberha izolo.
Lenkqubo ibikwazinyaswe yiNkulumbuso uOscar Lubabalo mabuyane, uMphathiswa uNathi Mthetho kunye noninzi olusemagunyeni.
Lenkqubo isekwanxamnye neyeVooma, nayo ebiququzelela ukuba uluntu lugonywe. Ukanti inkulumbuzo uMabuyane nothe wathulula amazwi anikeza inkuthazo kuluntu ukuba luyokugonywa ngokukhawuleza luzokwazi ukubuye emabaleni kuquka neminye iminyhadala yeziyolo ebibanjwa rhoqo luluntu kodwa ethe yaphazamiseka ngenxa yeCorona.
“Siqalise iVooma Vaccination Drive kule nyanga iphelileyo, ngomhla we(1 October 2021) silandela ikhwelo likaMongameli uCyril Ramaphosa lokuba onke amaPhondo athathe amanyathelo okugonya abantu abaninzi kangangoko, ukuze bakhuseleke ngobuninzi phambi kwexesha leziyunguma”. Utshilo uMabuyabe
Ukwathe ifuthe leCovid 19, liluphazamisile uqoqosho loMzantsi Afrika kwaye xa sithe sagonywa sonke, lonto inikeza ithuba lokubuyela esiqhelweni kwaye kukhule kwakho uqoqosho. Elinyathelo lale nkuqubo lizakuqhubela phambili nanjengoko liqale izolo de liphele ngeCawe, umhla we(14 November 2021).