By Asemahle Mbete.
USekela Mphathiswa weMfundo ePhakamileyo noQeqesho, uGq Mimmy Gondwe, uza kutyelela iKholeji yaseMpuma CET, iZiko leMfundo yoLuntu iPhakamile (CLC), eKariega, ngoLwesithathu, umhla wama-30 kweyeKhala ngowama-2025.
Olu tyelelo luyinxalenye yemisebenzi yokufikelela ebantwini yeSebe leMfundo ePhakamileyo noQeqesho (DHET) ngeNyanga kaMandela. Lo ngumsitho wokuqala kuzwelonke weNyanga kaMandela obusingethwe liSebe i-DHET oza kuqhutywa kwicandelo leeKholeji zoLuntu.
INyanga kaMandela ikhuthaza uluntu ukuba luchithe ubuncinane imizuzu engamashumi amathandathu anesixhenxe (67) luzibandakanya kwinkonzo yoluntu, lunceda abo basweleyo. Inani lamashumi amathadnathu anesixhenxe (67) limele iminyaka uNelson Mandela awazibophelela ngayo kwinkonzo yoluntu, kuquka nexesha lakhe njengomongameli wokuqala woMzantsi Afrika owanyulwa ngokwedemokhrasi.
Ngokukhuthazwa lilifa likaMadiba, i-ofisi kaSekela Mphathiswa uGondwe, kunye neeSETA ezisixhenxe eziquka iFiber Processing and Manufacturing (FP&M) SETA njengelona qabane liphambili, bachonge iPhakamile CLC njengeziko elifuna uncedo nenkxaso.
Imisebenzi yolu suku iya kubandakanya ukuhambisa iipakethe zezempilo, ukupeyinta, nokucoca amagumbi okufundela. IiSETA ezimbini zizibophelele ekuxhaseni eli ziko ngombindi woshishino.
Utyelelo lukaSekela Mphathiswa uGondwe ePhakamile CLC luhambelana nombono wakhe wokwenza imfundo ephakamileyo ifikeleleke ngakumbi kwaye iyisondeze eluntwini.