By Asemahle Mbete.
UShivambu ubambe indibano noonondaba kwihotele iMhulu eMidrand enika uhlaziyo ngekamva lakhe kwezopolitiko.
Owayesakuba nguNobhala-Jikelele weQela loMkhonto weSizwe (SG), uFloyd Shivambu, uthe ususwe esikhundleni sakhe ngenxa yengxelo yobuntlola yobuxoki ethi ufuna ukubhukuqa inkokeli yombutho, uJacob Zuma.
NgoLwesine, umhla weshumi elinethoba (19) kweyeSilimela 2025, uShivambu ebebambe indibano noonondaba kwihotele iMhulu, eMidrand, eGoli, ukunika uhlaziyo ngekamva lakhe kwezopolitiko.
Ngomhla wesithathu (03) kweyeSilimela 2025, uShivambu ususiwe njengoNobhala Jikelele weqela iMK kwaye waxelelwa ukuba uza kuphinda athunyelwe ePalamente.
IMK ithe unobangela wokususwa kukaShivambu bekungenxa yohambo lwakhe oluya eMalawi apho wayetyelele khona, uShepherd Bushiri.
Nangona kunjalo, uShivambu uthe ayisosizathu sokwenene esi.
UShivambu ukwavakalise ukuba uza kubiza ikomiti eza kuqinisekisa ukuba akukho mfuneko yokuba aseke umbutho omtsha wezopolitiko.