USOMASHISHINI OSAKHASAYO UKHALA ESIMANTSHIYANE KUKWEHLA KWESHISHINI LAKHE KWAYE UCELA UNCEDO
Usomashishini osakhasayo nongumhlali kwilali yaseHanover eBisho, uSiphosihle Nokonya uthi ucela inkxaso kwishishini lakhe lokuthengisa imifuno awaliqala ngonyaka ka2018 ngeenjongo zokugxotha ikati eziko nokuxhasa ekuhlaleni.
Uchaze ngendlela elishishini lakhe eliluncedo ngalo ekuhlaleni esithi “ukuqala kwam ndaqala ngokuthengisa amakhaphentsu ndixhaswa ngabazali bam kunzima kunjalo bengathathi ntweni, kodwa ndiqhubile neshishini ndifumana inkxaso eluntwini bethenga apha kum kwaye ndithengisele neevenkile zabantu bokufika.”
Ukungafumani nkxaso kumasebe kaRhulumente kuyenye yemingeni ajongene nawo nanjengoko ibhizinisi linamahla ndenyuka, akhona amaxesha apho kunqongophala izinto zokusebenza ukuquka izithole zokulima ezibangela ukunqumama kweshishini.
Loka Nokonya uthi kudala ecela inkxaso kumasebe kaRhulumente kodwa abuye nelize ,uzikhuthaze ngelithi “ndichaphazeleka kakhulu kwaye andikwazi ukubheka phambili kodwa kunjalo nje andinikezeli”.