Owayesakudlalela iqela lebhola ekhatywayo kwiDSTV Premiership iKaizer Chiefs neStellenbosch FC uKgaogelo Sekgota ufumene umsebenzi kwiqela elitsha nelisanda konyuselwa.
USekgota utyikitye isivumelwano sengqesho neqela elitsha ebelizinjinga zeMotsepe Foundation iMagesi. Lomdlali udlala ecabangeni uneminyaka engamashumi amabini anesixhenxe(27) utyikitye neMagesi isizini enye. USekgota ukhululwe siStellenbosch FC kunyaka ophelileyo.
Kgaogelo uye wazilolonga neqela ebesakulidlalela iMoroka Swallows ebhangisiweyo. Lomdlali ufikela kubadlali abafana noTshepo Kakora osuka kwila Masia noDelano Abrahams yena osuka kwi-AmaTuks nabasandotyikitywa leliqela liqeqeshwa nguClinton Larsen.
Lo mdlali sele evela kudlalela iStumbras eLuthiania kwakunye neqela lasePortugal iVitoria Setubal phambi kokuba abuye ezokudlalela ngo2020 iBidvest Wits eyabhangiswayo. USekgota udlalele amaqela anathathu(3) kwezisizini zintathu(3) zigqithileyo, iSwallows, iChiefs neStellenbosch FC.
By Siphiwo Boqwana