By Siphiwo Boqwana.
Iyaqala imidlalo yebhola ekhatywayo yamaqela amathathu (3) nazama indlela yokungena kwiBetway Premiership phantsi kwePSL, loo maqela ngamabini (2) asuka kwiMotsepe Foundation League, iOrbit College kwakunye neCasric Stars kuphinde kubekho eliphele kwindawo yeshumi elinesihlanu (15) kuluhlu lamaqela alishumi elinesithandathu (16) emva kokugxothwa kweRoyal AM yiPSL ngenxa yeengxaki ibijamelene nazo zetyala lerhafu engakwazanga kubhatalwa ngumnini weliqela uShawn Mamkhize.
Iqela elithe lasezantsi yiCape Town City emva kokungaqhubi kakuhle kwisizini esiphuma kuyo nto leyo ekhokelele ekugxothweni komqeqeshi uEric Tinkler nobonakale eqhuba kakuhle kwiqela elitsha iSekhukhune United.
Umdlalo wokuqala ungoMgqibelo umhla weshumi elinesine (14) kulenyanga yeSilimela kumabala iDHL eNtshona Kapa nalapho iiCitizens zizakube zisamkela iOrbit College ngentsimbi yesithathu (15h00) emva kwemini.
Umdlalo olandelayo ungomhla weshumi elinesibhozo (18) kulenyanga ngoLwesithathu ngentsimbi yesithathu (15h00) emva kwemini. Kuzakube kuqubisana abahlinzeki iCasrac Stars neCape Town City.
Ize iphinde iCasric Stars yamkele iOrbit College ngoMgqibelo ngomhla wamashumi amabini ananye (21) kulenyanga imiyo ngentsimbi yesithathu (15h00) emva kwemini
NgoLwesithathu umhla wamashumi amabini anesihlanu (25) kweyeSilimela ngentstimbi yesithathu (15h00) emva kwemini kuzakube kuthathana iOrbit College neCape Town City.
Umdlalo wokugqibela nalapho iqela elithe lanamanqaku amaninzi kunamanye amaqela lilo elizakunyukela kwibetway Premiership. ICape Town City izakuhlinzeka iCasric Stars ngomhla wamashumi amathathu kule yeSilimela inyanga ngentsimbi yesithathu (15h00) emva kwemini ngoMvulo ezintsukwini.