IiBrazilians zePSL azikabethwa kuleseason emva komdlalo wazo wangoLwesibini umhla wamashumi amabini ananye kuCanzibe ekuhambeni, kwiphondo laseMpumalanga.
Umdlalo ebekuphela kwawo nobudlalelwa kumabala iMbombela kwiphondo laseMpumalanga uphele amaqela entanganye. I-TS Galaxy ibambene neMamelodi Sundowns phezolo ngenqaku elinye macala(1-1) kumdlalo weDSTV Premiership.
Kungoku nje lamaqela ajonge umdlalo wokugqibela weleague nozakuthi udlalwe ngemini enye ngamaqela onke alishumi elinesithandathu(16) kwimidlalo esibhozo(8) ngoMgqibelo umhla wamashumi amabini anesihlanu(25) kuCanzibe ngentsimbi yesithathu(15h00).
IiRockets zihleli kwindawo yesine emva kwePirates, umdlalo wabo kwiveki ephelileyo bayibetha iPirates ngelinye inqaku eqandeni(1-0). Yona iSundowns kwiveki ephelileyo izibethele iStellies ngelinye eqandeni(1-0).
Kulomdlalo waphezolo iiRockets zifake kuqala inqaku lifakwa nguPuso Ditejane ngomzuzu wamashumi asixhenxe anesibhozo(78) phambi kokuba uPeter Shalulile afake eloku linganisa kumzuzu wamashumi asibhozo anesihlanu(85) kwisiqingatha sesibini somdlalo.
UPuso ngomnye wabadlali abagxothwa kwiKaizer Chiefs emva kokuba engavumanga ukuba ngumgadi webhola xa kwakudlalwa umdlalo wePSL. Lomdlalo west Galaxy neSundowns uphele ngengxwaba-ngxwaba kusiliwa nbaqeqeshi bamacala omabini.
By Siphiwo Boqwana