Iqela lezopolitiko iAfrican Transformation Movement lifake isiphakamiso sokungamthembi uMongameli weli uCyril Ramaphosa kwaye linememela ukuba kwenziwe uvoto oluyimfuhlo xa kusenziwa esisiphakamiso nesinokukhokelela ekubeni uRamaposa asuke esihlalweni njengoMongameli woMzantsi Afrika.
Eliqela lithi libhalele uSomlomo wePalamente licela ukuba kumiswe ingxoxo mpikiswano ya namhlanje koko iphulaphule isicelo sayo esifake enkundleni yamatyala ephakamileyo yaseKapa. Lombutho weATM ufuna ukuba esisimemelelo masenziwe kulandelwa inkqubo eyimfihlo. I ATM inamalungu amabini kwindlu yowiso mthetho kwaye ukuba isindululo sayo siyaphumelela ithi lonto uMongameli uRamaposa makarhoxe kwisikhundla sakhe sobuMongameli.
Kwezinye iindaba ezikumila kunje, yiNkokheli yeqela lezopolitiko iDemocratic Alliance uJohn Steenhuisen naye owenze esakhe isiphakamiso sokungayithembi iKhabhinethi kaMongameli uRamaposa esithi, benza unothanda emisebenzini yabo kwaye abayenzi kwaphela imisebenzi abayinyulelweyo. Ukanti kukwakho nezikhalazo zamalungu eliqela atyhola abaphathiswa ngokubaneenyawo ezishushu beleqa ukuthenga iimoto eziyimonyobo kwaye behlala kwezikanokutsho izindlu, logama ebemi boMzantsi Afrika besokola..
Ukwathe, leKhabhinethi kaMongameli ayisebenzi koko idodobalisa ngamadla uqoqosho lweli lizwe nanjengoko luya lusehla, iqondo lobundlobongela, intswela ngqesho, ucimi cimi wombane, ukonyuka kwexabiso lamafutha epetrol, urhwaphilizo nokunye okuninzi nokusilelayo phantsi kwamehlo laleKhabhinethi.