Abaqhubi beemoto banokulindela isiqabu kwiimpompo zamafutha ukusuka ngoLwesithathu.
Amaxabiso epetroli kulindeleke ukuba ehle nge-R1,78 ilitha ngelixa idizili izakwehla ukuya kutsho kuma-85 eesenti ilitha.
Isithethi sesebe lezamandla uRobert Maake uthi oku kungenxa yokuhla kwamaxabiso e-oyile nto leyo ikhokelele ekwehleni kwamaxabiso eemveliso zepetroleum.
UMaake uchaza uhlengahlengiso lwamva nje lwamafutha: “La maxabiso alandelayo amafutha aya kusebenza ngoLwesithathu we-1 Novemba – omabini amanqanaba epetroli aza kuhla nge-R1.78 yeesenti ilitha; idizili iyakwehla ngama-82 kunye nama-85 eesenti ilitha; Iparafini elayitayo iza kuhla nge-R1.30 yeesenti kumgangatho wentengiso kwaye irhasi iza kunyuka nge-R1.49 yeesenti ngekhilogram.”
“Le rhafu inyuke nge-21.92 yeesenti ilitha nganye kumaxabiso epetroli nedizili. Kukwakho nemfuno ephezulu yerhasi ngenxa yexesha lasebusika kumantla ehemisphere,” wongeza uMaake.