Ibala iNelson Mandela Bay lisingethe imidlalo yeNdebe yamaZwe kwibhola ekhatywayo.
Iqela loMzantsi Afrika lebhola ekhatywayo lesizwe iBafana Bafana lidlale ntanganye neMambas kumabala iNelson Mandela Bay phezolo ngoLwesithathu umhla wamashumi amabini anesithandathu (26) kule imiyo inyanga.
URushwin Dortley ongumdlali wangasemva nokhokela eliqela likaHelman Mkhelele ufake inqaku kumzuzu wamashumi amathathu anethoba (39) kwisiqingatha sokuqala (1), latsho lanqenqeza phambili iqela likaMkhelele ngenqaku elinye eqandeni (1-0). UDortley uphantse wafaka elesibini (2) kuqala nje isiqingatha sesibini (2) kodwa wafa namthanyana.
Kumzuzu wamashumi amathandathu anesihlanu (65) iMambas ifake inqaku lokulinganisa kwisiqingatha sesibini (2) somdlalo. Atsho adlala ngokulingana lamaqela ngenqaku elinye macala (1-1). NguChimito Alfendengo ofake inqaku lokulinganisa leqela iMozambique.
Umdlali weqela leBanyana uSinoxolo Kwayiba ebenethuba elihle lokuphumelelisa iqela leli kodwa akalazanga elidlalayo kwimizuzu yokugqibela yomdlalo.
IBafana izakuthathana neqela iBotswana ngoMgqibelo kule yeSilimela inyanga umhla wamashumi amabini anethoba (29) kule yeSilimela inyanga ze yona iMambas ivane amandla ne-Eswatini kuGroup A.
Umqeqeshi weliqela lidlala kwiCOSAFA uMkhelele nongusekela mqeqeshi kuHugo Broos akabafakanga abadlali bamaqela amathathu (3) amakhulu eMzantsi iSundowns, iChiefs nePirates kweliqela lakhe.
By Siphiwo Boqwana