Linenekazi elineminyaka engamashumi amane anesixhenxe(47) ubudala elihlabe labulala unqevu eGqeberha izolo elinye.
Ngokwengxelo yenkonzo yesipolisa yaseGqeberha ichaza ukuba, elinenekazi belizihambela eHumewood malunga necala emva kwentsimbi yesixhenxe(07:30) ngethuba lihlangatyezwa ligatyana lomfana oneminyaka engamashumi amabini anesihlanu(25) ubudala. Eligatyane lidungudelise ngokwenza incoko nosisi kanti uzakuthi gqi sele ekhupha imela. Wandule ngosika umqheba webhegi yelinenekazi kanti usisi naye uxhobile.
Baye ke bajijisana ze inenekazi lahlaba lonqevu esifubeni kakanye logama sisi eye wafumana umonzakalo wenxeba esandleni.
Igatyana khange ke lilenze ixesha, kuba liye lazama ukubaleka nelonxeba lalo kodwa lawa kude kufuphi nendawo ebebesilwa kuyo nosisi wabe uyabhubha.
Amapolisa avule ityala lokubulala ngokungenanjongo logama kusenziwa uphando kwaye iimela zombini zisemapoliseni.