Ngamadoda amane(4) abhubhe ngokungenalusini kwingozi yemoto eyenzeke kuhola wendlela uN2 kufutshane naseGWADANA ngaphandle nje xa uphuma eDutywa usingise kwidolophu yaseGcuwa.
Esisiganeko senzeke izolo, usuku lokubhiyozela enkululeko (27.04.2023) malunga nentsimbi yesithandathu(18H00) malanga ngethuba isithuthi sohlobo lweVW Tiguan enkulu(SUV) ebinamadoda amane ithe yagilana nesigadla.
Esisigadla besisuka kwicala laseGcuwa kwaye inomqhubi kuphela. Ngelishwa amaxhoba amane nabekhwele kwimoto, abhubhe ngoko nangoko kwindawo yexhwayelo logama umqhubi wesigadla eye wabalekiselwa esibhedlele ukuze afumane unyango.
Kutyholwa ngelithi ukuqhuba uphantsi kweempembelelo zotywala yeyona nto ibenegalelo kulengozi.
Ityala lokubulala ngokungenjongo livuliwe kumapolisa aseDutywa. Usithethi kwiSebe lezothutho uUnathi Binqose, ulumkise abaqhubi ezindleleni ngelithi mabaqhube ngononophelo kwaye baqaphele.