UMphathiswa wezoThutho noKhuseleko loLuntu eMpuma Koloni uXolile Nqatha uwancomile amagosa endlela angamakhosikazi ephondweni ngokuqhuba ngempumelelo amaphulo okhuseleko ezindleleni kwimpelaveki ende. La maphulo ebeyinxalenye yemibhiyozo yeNyanga yamanina.
Kweliphulo zizithuthi ezingamawaka amane namakhulu alithoba anamashumi asibhozo anesibini (4,982) zizonke ezithe zamiswa zaza zajongwa.
Ukanti kolutyando kukhutshwe amaxwebhu angamakhulu amabini anamashumi amathandathu anesihlanu (265) okubizelwa enkundleni kwabaqhubi, amashumi amathandathu anesithandathi (66) esohlwayo esingekahlawulwa, ngamashumi amabini anesine (24) abantu ababanjwe bezintyintye ngebhelu lomsele, logama
Ingabaphambukeli abangekho mthethweni abamgamashumi amane anesibhozo (48) ababanjiweyo phakathi kwezinye zezinto.
Kusenjalo kumashumi amabini anesine (24) ababanjwe eqhuba benxilile, ishumi elinesithoba (19) lithe labanjwa kwisithili saseAmathole. UMphathiswa uNqatha ubancomile aba basetyhini ngokukhokela nokubhalisa amanqaku abo kulo msebenzi awubiza ngokuba ulawulwa ngamadoda.
UMphathiswa uNqatha uthe: “Ndikhuthazwa kakhulu ngumoya wentsebenziswano phakathi kwabo wokuba baxhasane njengabasetyhini kwaye bazingca ngomsebenzi wabo.