UMONGAMELÌ WESPAIN KWIBHOLA EKHATYWAYO UNQUNYANYISIWE NGUMBUTHO WEBHOLA KWIHLABATHI NGENXA YOKUPHUZA
ULuis Rubiales ongumongameli womdlalo webhola ekhatywayo eSpain unqunyanyisiwe ngumbutho webhola ekhatywayo kwihlabathi iFIFA, oku kwenzeka emva kwezityholo zokuphuza umdlali wangaphambili wamagqiyazana aseSpain uJenni Hermoso nje emva kwempumelelo yabo kumagqibela kankqoyi wendebe yehlabathi yamanina, nalapho babetha iNgilane ngenqaku kwiqanda ngomhla wamashumi amabini kwinyanga yeThupha.
URubiales unqunyanyiswe ngomgqibelo umhla wamashumi amabini anesithandathu nalapho athe wanqunyaniswa yiDC yeFIFA intsuku ezingamashumi alithoba de kube kuqosheliswa uphando ngakuye. ULuis ukwavakalise ukuba uzakusebenzisa ezomthetho ukuzikhusela nanjengoku elucelile uxolo esitsho esithi yabaluvuyo nochulumanco kuye evuya uvuyo oluphezulu nolwenza ukuba angacingi ngalento ayenzileyo nobugwenxa bayo.
Abadlali bebhola ekhatywayo yamanenekazi eSpain bavakalise ukuba abasayi kuphinda badlalele isizwe de ehle esihlslweni umongameli webhola kwelalizwe uLuis Rubiales ngesizathu sesityholo sokuphuza umdlali bengavumelananga.