Indawo yakuKomani iphinde yathwaxwa kwakho zizikhukula ezibangelwe ziimvula ezinkulu neziye zanetha ngobusuku bayizolo. Uninzi lweendawo zokuwela okanye iindlela kulo mmandla ziphantsi kwamanzi. Ziimoto ezimbini(2) ezikhukuliswe ngumsinga onamandla wamanzi ngakwisitalato i-Owen/Sprigg ukuya kumlambo iKomani.
Amaqela ohlangulo akwazile ukusindisa abantu ababini abebephakathi kwezithuthi ngelixa omnye kubikwa ukuba ulahlekile ze emva koko kwacelwa inqwelo taka encinci ukuba incedise ukukhangela.
Iinkonzo zohlangulo ezikhethekileyo zibiziwe ukuze kukhangelwe lomntu olahlekileyo nowaziwayo.
Ukanti abaqhubi beemoto bayalunyukiswa ukuba balumke kakhulu njengoko ezinye iindlela zivingcelekile zizikhukhula zemvula. Ummandla waseSilvertown, amatyotyombe aseThulandivile, aphinde achaphazeleke kakhulu. Ubungakanani bomonakalo kunye nabantu abachatshazelwayo buza kuqinisekiswa njengoko amaqela esahlola.
