Abantu abatsha phantsi koMasipala iBuffalo City eMonti bebengumngcelele kwinkqubo eququzelelwe ngusekela sodolophu woMasipala uPrincess Fafu kwinkxaso mali kaNSFAS nephelelwa ngomhla wesixhenxe kulenyanga (7 January 2022).
Ukanti abantu abatsha nabafikelela kumakhulu khulu bathathe inxaxheba kweliphulo likaNSFAS ukuzama ukuguqula ubomi babo ngezifundo abazakuzifumana ukwakha ikamva labo , nokunciphisa inani labantu abatsha abahleli emakhaya bengenayo imfundo enomsila phantsi komaspala weBuffalo City.
Usekela sodolophu woMasipala i-Buffalo City uPrincess Faku kumazwi akhe okukhuthaza ulutsha kwintetha yakhe ethe qabavu ngeliphulo, uthi ngokuthi baliphakamele eliphulo ukuguqula ubomi bolutsha olukulomaspala umbaxa.
Omnye wabantu abatsha uthi unethemba lokuba uzakuba kwiqela elizakwamkeleka kwesi (scheme) sengxaso mali karhulumente uNSFAS nanjengoko ebengayazi ukuba uzokwenza njani kulonyaka nakubeni ebengazimiselanga kuhlala phantsi. Kusenjalo omnye wabantu abatsha uthi ulikroti kwaye ukhaliphe kakhulu kwisakhono sokuvelisa ngezandla zakhe , kwaye oku kuzakumkhuthaza ukuba aqhubele phambili.
Ukanti lenkqubo ngomso izakuqhuba eKing Willams Town eLovedale Tvet Collage kweli leMpuma Koloni, nezakuthi ivulele ithuba kubantu abatsha ukuba bathathe inxaxheba kweliphulo.