Ukhomishinala wePhondo uLieutenant General Nomthetheleli Lillian Mene uvakalise umothuko nodano lokuhlaselwa kwamalungu amabini eenkonzo zesiPolisa ngoMvulo nangoLwesithathu kusasa ngootsotsi abaneenjongo ezicacileyo zokuthatha ubomi bala mapolisa.
La malungu mabini abanjwe kwisiganeko sokudutyulwa kwabafileyo ngelixa esenza umsebenzi wawo kwizithili zawo kumasipala ombaxa weNelson Mandela kunye neBuffalo City Metro. USajini uLwando Lawrence Bunga (42) nosebenza kwicandelo lezobuPolisa, ebeyinxalenye yamapolisa ebeleqa abarhanelwa ngethuba lizama ukuphanga kuxhotyiwe ebeliqhubeka kwinkampani iFidelity eMonti.
Kwisiganeko esahlukileyo eMotherwell, uSajini Mario Nel, umyalelo wenkundla oneminyaka engama-41 ubudala wadutyulwa wabulawa ngumrhanelwa ngelixa esemsebenzini kwiipaseji zenkundla. Umrhanelwa emva koko wabanjwa kwesinye sezitalato eMotherwell kwaze kwafunyanwa nompu ekukholelwa ukuba ngulowo wayewuphanga kwilungu elibhubhileyo.
Abaphathi beSAPS eMpuma Koloni bathumele amazwi ovelwano kusapho, izihlobo noogxa bamapolisa abulewe adutyulwe ngootsotsi. Ukubulawa kwala malungu kubangele ukothuka kuzo zonke iipaseji ze-SAPS kwiPhondo kwaye abaphathi bafunge ukuba baza kubamba abo baphembelela ukubulawa kwamapolisa. Ukuhlaselwa kwamapolisa kukuhlasela urhulumente, kwaye ngenxa yesi sizathu amapolisa awayi kuphumla de bafunyenwe abenzi bobubi.
“La malungu mabini aza kukhunjulwa ngokuziphatha kwawo nokuzinikela emsebenzini wawo. Bamisela umzekelo omhle ekufuneka uxeliswe ngawo onke amalungu e-SAPS njengoko belandela igunya labo lokusebenzela nokukhusela uluntu lwethu. Siphulukene namajoni ahamba ngeenyawo athe enze impembelelo emangalisayo ekuqhubeleni phambili iinjongo ezicwangcisiweyo zenkonzo yesiPolisa yaseMzantsi Afrika.
Yanga imiphefumlo yabo exabisekileyo ingaphumla ngoxolo. Iintliziyo zethu kunye nemithandazo yethu ikunye neentsapho ezifelweyo ngeli xesha lokuphulukana kwazo” uvale ngelo uLieutenant General Nomthetheleli Mene. Imihla yokungcwatywa kwabo isazakumiselwa.
Isiphelo
Imibuzo: UBrigadiya uTembinkosi Kinana
Iseli-082 301 7699